६९२ विद्यार्थीको आँखा जाँच


तुलसीपुर, २६ माघ। यहाँका ६१२ विद्यार्थीको आँखा जाँच गरिएको छ ।

नेपाल नेत्रज्योति सङ्घको सहयोगमा राप्ती आँखा अस्पतालले शुक्रबार तुलसीपुर–१८ स्थित सिर्जना बालबाटिका विद्यालयमा निःशुल्क आँखा जाँच गरेको हो ।

नेपाल सरकार विद्यालय आँखा जाँच कार्यक्रमअन्तर्गत सो कार्यक्रममा कक्षा १ देखि १० सम्मका विद्यार्थीको आँखा जाँच गरिएको नेत्र सहायक युवराज वलीले जानकारी दिनुभयो । आँखा जाँच गरिएकामध्ये १३ विद्यार्थीले चश्मा प्रयोग गर्नुपर्ने देखिएको थियो ।

धेरैजसो विद्यार्थीको आँखा सुख्खा हुने, परेली झर्नेजस्ता समस्या देखिएको छ । जाँचमा चश्मा प्रयोग गर्नुपर्ने अवस्था भएका विद्यार्थीलाई निःशुल्क चश्मा उपलब्ध गराइएको कार्यक्रम सहसंयोजक विष्णु खनालले बताउनुभयो । अस्पतालले आँखा स्वास्थ्य कार्यक्रमअन्तर्गत विभिन्न निजी तथा सामुदायिक विद्यालयमा आँखा जाँच, शिक्षकलाई आँखाको स्वास्थ्यसम्बन्धी तालीम दिँदै आएको छ ।

Leave a Reply

Your email address will not be published. Required fields are marked *

Social Media Auto Publish Powered By : XYZScripts.com