Mon. Apr 22nd, 2019

बाजुरामा स्वचालित प्याड झर्ने मेसिन जडान

महिलाहरूको स्वाभाविक शारीरिक प्रक्रिया महिनावारीलाई आज पनि हाम्रो समाजले छुवाछुतको रूपमा लिन्छ। गाउँघरमा छाउगोठको चलन हराइसकेको छैन। सहरमा छाउगोठभित्रै थुन्ने चलन नहोला, तर घरको निश्चित सीमामा बाँध्ने चलन यथावत् छ। यस्तोमा सबभन्दा बढी प्रभावित हुने ६-७ कक्षाका नानीहरू हुन्, जो पहिलोचोटि महिनावारी भएका हुन्छन् वा महिनावारीको सुरूआती चरणमा हुन्छन्। महिनाका ती चार–पाँच दिन छात्राहरू आफ्नो समस्या अरूलाई भन्ने झन्झट वा सरमले विभिन्न बहानामा घरमै बसिदिन्छन् । यसले पढाइ त छुट्थ्यो नै, नियमित स्कुल आउने बानी पनि हट्दैं जान्छ ।
झट्ट सुन्दा यो सानो समस्या देखिन सक्छ। यस्तो त सबैलाई परेकै हो नि, के आकाश खस्यो र भन्ने लाग्न सक्छ ? तर, यही सानो समस्यामा हाम्रा बालिकाहरूको दीर्घकालीन शारीरिक र मानसिक विकासको मुद्दा जोडिएको छ।

गाउँको त कुरै छाडौं, राजधानीकै धेरै स्कुलमा बालिकाहरूलाई महिनावारीमा साथ दिने पूर्वाधार छैन। न उनीहरूलाई मानसिक परामर्श दिइन्छ, न यो शारीरिक परिवर्तनसँग जोडिएको विज्ञान बुझाइन्छ, कुनै कुनै स्कुलले प्याड त दिन्छन, तर म्यामहरूसँग माग्नुपर्ने, अजै म्यामहरू पढाइराको फरक कक्षा खोज्दै, माग्नु पर्ने झन्झट।

छात्राले महिनावारी को समयमा आफ्नो अध्ययन,कामलाइ निरन्तर दिन भरपर्दो सुरक्षित र स्वास्थयकर बिकल्प भनेको नै शेनिटरि प्याड हो।शेनिटरि प्याडको समयमै उपलब्धताले नै जोखिम हटाउने प्रमुख भुमिका खेल्दछ।

स्मार्ट स्कुल को प्रारम्भ भइसकेको अवस्थामा नेपाल मै पहिलो पटक आधुनिक प्रबिधि मार्फत सेनिटरी प्याड झर्ने मेसिन उपलब्ध छ । यो मेसिनबाट महिनावारी भएको बेला प्याड निकालेर प्रयोग गर्न सकिन्छ । विद्यालयको एउटा कोठामा जडान गरिएको प्याड झर्ने मेसिनले गोपनीयता राख्छ। छात्राहरूले शिक्षिकालाई भेटेर प्याड मागिरहनु पर्दैन। सँगसँगै, शिक्षिका र अन्य महिला कर्मचारी पनि लाभान्वित हुनछन्। स्मार्ट कार्ड प्रयोग गरेर एटिमबाट पैसा झिके जस्तै गरी यो मेसिनबाट पनि प्याड झिक्न मिल्छ र आवश्यकता अनुसार प्याड निकाल्न मिल्ने स्मार्ट लिभिङ्ग टेक्नोज प्रा।लि का कार्यकारी निर्देशक सुरेश सेजवालले जानकारी दिए । स्मार्ट लिभिङ्ग टेक्नोज प्रा।लि ले स्वचालित सेनेटरी प्याड झर्ने मेसिन भानोदय मा वि मा बुडिगगा नगरपालिकामा जडान गरेको छ।

अब महिनावारी हुँदा हुने समस्या समाधान हुन्छन् । महिनावारी भएको अबस्थामा बिना हिचकिचाहट स्वच्छ शेनटरी प्याडको पहुच प्रदान हुन गएमा महिलाहरुको प्रजनन स्वास्थ्यमा सुधार, सामाजिक कार्यमा प्रभावकारी सहभागितामा वृद्धि, छात्राको बिद्यालय र कलेजरुमा उपस्थिति बढाउनुको साथै सामाजिक उत्पीडनमा कमी,महिलामैत्रि वातावरण, प्रबिधिको प्रयोगले सरलता प्रधान गर्दछ। स्कूलहरुलाई लक्षित गरिएको यो मेसिनलाई सार्वजनिक स्थान, सरकारी कार्यालयहरु, नीजि क्षेत्रहरु तथा विभिन्न गैरसरकारी संघसंस्थाहरुले पनि राख्नको लागि माग गरिरहेको ( स्मार्ट लिभिङ्ग टेक्नोज प्रा।लि का कार्यकारी निर्देशक सुरेश सेजवालको भनाई छ ।

Leave a Reply

Your email address will not be published. Required fields are marked *