आज गुरु पूर्णिमा  :  जीवनमा अन्धकारलाई हटाइ उज्यालो प्रकाश फैलाउने गुरुहरुप्रति श्रद्धाभाव प्रकट गरेर मनाइँदै

लाल्टिन खबर ,
प्रकाशित: २०७६ असार ३१, मङ्गलबार  
आज गुरु पूर्णिमा  :  जीवनमा अन्धकारलाई हटाइ उज्यालो प्रकाश फैलाउने गुरुहरुप्रति श्रद्धाभाव प्रकट गरेर मनाइँदै

काठमाडौँ । आज अषाढ शुक्ल पूर्णिमा अर्थात  गुरु पूर्णिमा  आफुलाई शिक्षाको उज्यालो ज्योति प्रदान गर्ने गुरुहरुप्रति श्रद्धाभाव प्रकट गरि मनाइँदै छ । गुरुहरुलाई जन्मदिने माता पिता सरह मान्ने गरिन्छ । 

धर्मग्रन्थ महाभारतका रचयिता वेद व्यासको जन्मजयन्तीका अवसरमा वैदिक कालदेखि नै मनाउने गरिएको व्यास जयन्तीलाई गुरु पूर्णिमाका रूपमा लिने गरिएको छ ।

‘गु’ को अर्थ अन्धकार र ‘रु’ भन्नाले प्रकाश बुझिन्छ। अन्धकारको नाश गरी जीवनमा उज्यालो फैल्याउने व्यक्तित्वलाई नै गुरु भनिन्छ । यस्ता गुरुलाई हाम्रो शास्त्रले ब्रह्मा, विष्णु र महेश्वरका रुपमा समेत मानेको छ ।

ब्रह्मा, विष्णु र महेश्वरले समाधान गर्न नसकेको समस्यालाई गुरुले समाधान गर्न सक्छन् भन्ने शास्त्रीय मान्यता छ। यसैले भनिएको छ । आज विद्यालय एवंम् विभिन्न संघसंस्थाले विभिन्न कार्यक्रम गरेर विभिन्न माध्यमबाट शिक्षा दिने गुरुहरुप्रति श्रद्धाभाव प्रकट गरेर गुरु पूर्णिमा मनाउने परम्परा रहेको  छ ।

आषाढ शुक्ल पूर्णिमाकै दिन वेद व्यास जन्मिएकाले यसै दिन व्यास जयन्ती मनाउने गरिएको हो।व्यासले पुराण र उपपुराणका माध्यमबाट ‘परोपकार पुण्याय, पापाय परपीडनम्’ अर्थात् अरूको उपकार गरे धर्म हुन्छ एवं अरूलाई पीडा दिए पाप लाग्छ भनी मानवतावादी सन्देश एका छन।

आजै वेदलाई ऋग्वेद, यजुर्वेद, सामवेद र अथर्ववेद गरी चार भागमा विभाजन गरी यसको अर्थ बुझाउन सरल संस्कृत भाषामा १८ पुराण र १८ उपपुराणको रचना गर्नुहुने वेदव्यासको सम्झनामा व्यास जयन्ती पनि मनाइन्छ। 


 

प्रतिकृया दिनुहोस्

सम्बन्धित समाचार