विविधतायुक्त सांस्कृतिक चाडपर्वले राष्ट्रिय एकता कायम गर्छ : मुख्यमन्त्री गुरुङ

लाल्टिन खबर ,
प्रकाशित: २०७६ साउन २८, मङ्गलबार  
विविधतायुक्त सांस्कृतिक चाडपर्वले राष्ट्रिय एकता कायम गर्छ : मुख्यमन्त्री गुरुङ

काठमाडौँ । गण्डकी प्रदेशका मुख्यमन्त्री पृथ्वीसुब्बा गुरुङले गुरुङ समुदायको सांस्कृतिक एवं परम्परागत पर्व ट्होटेंको उपलक्ष्यमा शुभकामना व्यक्त गगरेका छन् ।

सोमबार साँझ शुभकामना सन्देश प्रकाशित गरी उनले ट्होटेंको अवसरमा स्वदेश तथा विदेशमा रहेका गुरुङ समुदायलगायत सम्पूर्ण दिदीबहिनी तथा दाजुभाइहरुमा सुख, शान्ति, समृद्धि, सुस्वास्थ्य, आपसी सद्भाव, एकता, भ्रातृत्व एवं उत्तरोत्तर प्रगतिका लागि शुभकामना व्यक्त गरेका हुन् ।

‘बहुजातीय, बहुभाषिक, बहुधार्मिक, बहुसांस्कृतिक एवं भौगोलिक विविधताले भरिपूर्ण हाम्रो देश संविधानतः धर्मनिरपेक्ष राष्ट्र घोषण भएको सन्दर्भमा यस्ता विविधतायुक्त धार्मिक एवं सांस्कृतिक चाडपर्वले सामाजिक एकता, सद्भाव, धार्मिक सहिष्णुता कायम राख्दै राष्ट्रिय एकतालाई अझै मजबुत बनाउन महत्वपूर्ण योगदान दिँदै आएको छ’, मुख्यमन्त्रीले शुभकामना सन्देशमा उल्लेख गरेका छन् । 

विविध धर्म संस्कृति मान्ने सम्पूर्ण नेपालीबीच आपसी सद्भाव, सामाजिक एकता र भ्रातृत्व कायम गर्ने विश्वास लिँदै उनले ट्होटें पर्वले सबै नेपालीबीच बन्धुत्व, प्रेम र एकताको भावना बढाई शान्त, समुन्नत तथा समृद्ध नेपाल बनाउन प्रेरणा प्रदान गरोस् भन्ने कामनासमेत गरे । 

गुरुङ जातिले हरेक वर्ष साउन महीनाको अन्तिम मङ्गलबार ट्होटें पर्व धुमधामका साथ मनाउने गर्दछन् ।

प्रतिकृया दिनुहोस्

सम्बन्धित समाचार

ताजा खबर