नयाँ दिल्ली । प्रधानमन्त्री नरेन्द्र मोदी ओडिशाको बालासोरमा भएको भीषण रेल दुर्घटनाको स्थलको भ्रमण गर्नेछन्। समाचार एजेन्सी पीटीआईले सरकारी स्रोतलाई उद्धृत गर्दै प्रधानमन्त्री मोदी शनिबार कटकको अस्पतालमा घाइतेहरूलाई भेट्न जाने बताएको हो ।
बालासोरमा भएको रेल दुर्घटनामा अहिलेसम्म कम्तिमा २८० जनाको मृत्यु भइसकेको बताइएको छ । रेलमन्त्री अश्विनी वैष्णव र ओडिशाका मुख्यमन्त्री नवीन पटनायक पनि शनिबार बिहान घटनास्थल पुगेका छन्।
दुर्घटनाको कारणबारे रेलमन्त्री वैष्णवलाई सोध्दा उनले भने, ‘उच्चस्तरीय समिति बनाइएको छ, अनुसन्धानपछि मात्रै केही भन्न सकिन्छ ।’
