पाल्पा जिप दुर्घटनामा घाइते भएकाहरुको पहिचान खुलेको छ। घाइते १८ जनामध्ये १० जना महिला, ४ जना बालक, ३ जना बालिका र २ जना पुरुष छन्।
लुम्बिनी मेडिकल कलेज पाल्पाले दिएको जानकारी अनुसार घाइते हुनेहरूमा पाल्पा तिनाउ-६ की २० वर्षीया कृष्णा पन्त, सोही ठाउँकै १९ वर्षीया उमा रास्कोटी, २१ वर्षीया अमृता गहतराज, १९ वर्षीया शान्ती राना, ९ वर्षीय सौरभ पुन, ४५ वर्षीय कूलबहादुर नेपाली, रुपन्देही खैरेनीका ९ वर्षीय विवेक जिसी, सोही ठाउँकै ७ वर्षीय अस्मित जिसी, तानसेन ७ की ४२ वर्षीया सविता परियार, रिव्दिकोट १ की ३० वर्षीया रमा सुनार, सोही ठाउँकै ६ वर्षीया विधा सुनार, ६ वर्षीया साया सुनार, ५ वर्षीय आरभ सुनार, ६६ वर्षीया विष्णुकला कामी, तानसेन १० का ४५ वर्षीय दानबहादुर चिदी, रुपन्देही हरैयाकी ३० वर्षीया भूमि पुन, १९ वर्षको उमा रास्कोटी र अन्य २ जना महिला र १ जना बालिका गरी १९ जना उपचार भइरहेको छ।
घाइते सबैको लुम्बिनी मेडिकल कलेज तानसेन प्रभासमा उपचार भइरहेको छ।
जिल्लाको तिनाउँ गाउँपालिका–६ स्थित मस्याममा मंगलबार साँझ जिप दुर्घटना हुँदा आठ जनाको घटनास्थलमा नै मृत्यु भएको थियाे। मृत्यु हुनेमा ३ जना महिला र ५ जना पुरुष रहकाे जिल्ला प्रहरी कार्यालय पाल्पाका प्रहरी निरीक्षक सुवर्ण श्रेष्ठले जानकारी दिए।
डुम्रेबाट कुसुमखोलातर्फ गइरहेको लु १ ज २३७१ नम्बरको मुस्ताङ जिप अनियन्त्रित भई सडकबाट अन्दाजी ३ सय मिटर तल खसेको थियाे।
सवारी चालकलाई नियन्त्रणमा लिई घटनाको थप अनुसन्धान अघि बढाइएको प्रहरीले जनाएको छ।
