काठमाडौं,३० फागुन । नेकपा एमालेका नेता तथा प्रतिनिधि सभा सदस्य गोकुल बाँस्कोटाले प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्डले विगतका गल्ती र कमिकमजोरी रिअलाइज गरेको कारण फेरि सहकार्य सम्भव भएको दाबी गरेका छन् ।
आज बसेको प्रतिनिधि सभाको बैठकबाट बाहिरिनेक्रममा पत्रकबारहरुसँग कुराकानी गर्दै पूर्व सूचना तथा सञ्चारमन्त्रीसमेत रहेका बाँस्कोटाले सबैले आ आफ्नो गल्तीलाई स्वीकार गरेको कारण यो गठबन्धन लामो समयसम्म टिक्ने दाबी गरे ।
यो गठबन्धन छिट्टै टुट्यो भने के हुन्छ भनेन सञ्चारकर्मीको प्रश्नमा जवाफ दिँदै बाँस्कोटाले भने ‘मायामा घात भयो भने डिभोर्स हुन्छ ’
