काठमाडौं । त्रिभुवन अन्तराष्ट्रिय विमानस्थलबाट रामेछाप उडेको सिता एयरलाइन्सको जहाज काठमाडौं नै फर्किएको छ । जहाजमा हाइड्रोलिक समस्या आएपछि पुनः काठमाडौं फर्काएर आकस्मिक अवतरण गरेको हाे ।
सोमबार बिहान सीता एयरलाइन्सको ९०६ उडान नम्बरको जहाज सुरक्षित अवतरण गरेको विमानस्थलका प्रवक्ता सुवास झाले जानकारी दिए ।
अवतरणपछि धावनमार्गमा रोकिएको जहाजलाई तानेर पार्किङसम्म पुर्याइएको छ । अहिले मर्मत भइरहेको प्रवक्ता झाले बताए ।
