काठमाडौं । कतारस्थित नेपाली राजदूत डा. नरेशविक्रम ढकालले उपप्रधान तथा स्वास्थ्यमन्त्री उपेन्द्र यादव देशको पछिल्लो राजनीतिक अवस्थाबारे गम्भीर रहेको बताएका छन् ।
अमेरिकाको न्यूयोर्कबाट फर्कँदै गरेका उपप्रधानमन्त्री यादवलाई दोहाबाट बिदाइ गर्दै राजदूत ढकालले यस्तो बताएका हुन् । उनले भने, ‘देशको राजनीतिक अस्थिरताप्रति उहाँ गम्भीर हुनुहुन्छ ।’
यादव अमेरिका रहँदा पार्टीका वरिष्ठ नेता अशोककुमार राईले सात जना सांसद र ३० जना केन्द्रीय सदस्यसहित नयाँ पार्टी दर्ताका लागि निर्वाचन आयोगमा निवदेन दिएका छन् । जसले नयाँ राजनीतिक सिनारियोको निर्माण गरेको छ ।
पार्टी अध्यक्ष रहेका उपप्रधानमन्त्री यादव आज स्वदेश फर्कँदै छन् ।
