काठमाडौं । पूर्वमन्त्री सूर्यमान गुरुङको निधन भएको छ ।
८४ वर्षको उमेरमा मंगलबार काठमाडौंको हिमाल अस्पताल, कमल पोखरीमा गुरुङको निधन भएको हो । उनी बाथ र सुगरका बिरामी थिए ।
विसं २०७० सालमा नेपाली कांग्रेसको समानुपातिकबाट सांसद बनेका गुरुङ विसं २०७३ मा एकपटक श्रम तथा रोजगार र एकपटक स्थानीय विकासमन्त्री बनेका थिए ।
अहिले गुरुङको शव टिचिङ अस्पतालको शव गृहमा राखिएको छ । गुरुङका श्रीमती, दुई छोरा र दुई छोरी छन् ।
