काठमाडौं- प्रहरीले अवैध बाटो प्रयोग गरी अमेरिका र क्यानडा पुर्याउने भन्दै विभिन्न व्यक्तिहरूबाट ५ करोड ५० लाख रुपैयाँ ठगी गर्ने गिरोहका तीनजनालाई पक्राउ गरि शुक्रबार सार्वजनिक गरेको छ ।
काठमाडौं उपत्यका अपराध अनुसन्धान कार्यालयले शुक्रबार पत्रकार सम्मेलन गर्दै ठगीमा संलग्न गिरोहका तीनजनालाई सार्वजनिक गरेको हो ।
अरुलाई पनि अवैध बाटोबाट अमेरिका पठाउने भन्दै प्रलोभन देखाउने गरेको प्रहरी वरिष्ठ उपरीक्षक सानुराम भट्टराईले बताए ।
यस गिरोहले करिब १५ जना नेपालीहरुलाई अमेरिका पठाउन केन्या लगायतका विभिन्न देशहरूमा अहिले पनि बन्धक बनाए राखेको खुलेको छ । उनीहरूबाट करिब ७ करोड ५० लाख लिइसकेको खुल्न आएको प्रहरीले जानकारी दिएको छ ।
