काठमाडौं- नेकपा एकीकृत समाजवादीको केन्द्रीय कमिटीको बैठक मंगलबार बस्दैछ। बैठक आज बिहान ११ बजे ललितपुरमा सुरु हुनेछ।
आजकाे बैठकमा पार्टीको राष्ट्रिय महाधिवेशनमा पेश हुने राजनीतिक प्रतिवेदनमाथि छलफल हुने बताइएकाे छ।
दुई दिनसम्म चल्ने सो बैठकमा महाधिवेशनमा प्रस्तुत हुने राजनीतिक प्रतिवेदन, सांगठानिक प्रतिवेदन, पार्टीको समाजवादी कार्यक्रम र विधान संशोधनका विषयमा छलफल गरी टुंगो लगाउने छ।
