काठमाडौँ, २ जेठ : राष्ट्रिय खेलकुद परिषद् (राखेप) का सदस्य–सचिव टङ्कलाल घिसिङले नेपाल जुडो सङ्घका नवनिर्वाचित केन्द्रीय कार्यसमितिका पदाधिकारीलाई आज बधाई दिनुभएको छ ।
त्रिपुरेश्वरस्थित आफ्नै कार्यकक्षमा पदाधिकारीसँग भएको भेटमा सदस्य–सचिव घिसिङले नवनिर्वाचित पदाधिकारीलाई बधाई दिँदै सफल कार्यकालका लागि शुभकामना दिनुभयो । उहाँले वर्तमान कार्यसमितिले जुडो सङ्घलाई अझ मजबुद बनाएर लैजाने विश्वास व्यक्त गर्दै जुडो खेलप्रति आकर्षण जगाउन व्यापक प्रचारप्रसार गर्नुपर्नेमा जोड दिनुभयो ।
गत बैशाख ३१ गते सम्पन्न जुडो सङ्घको छैठौँ केन्द्रीय चुनावी साधारणसभाले दीपकहर्ष बज्राचार्यको अध्यक्षतामा १५ सदस्यीय केन्द्रीय कार्यसमिति चयन गरेको थियो ।
धर्मशिला चापागाईं वरिष्ठ उपाध्यक्ष, रमेश महर्जन, हेमराज भण्डारी, सुरजकाजी डोटेल र गङ्गा खड्का उपाध्यक्ष, प्रकाशचन्द्र पाण्डे महासचिव, पवनकुमार बानियाँ सचिव तथा प्रमोदप्रसाद नेपाल कोषाध्यक्षमा निर्वाचित हुनुभएको थियो ।
साथै राजन रोकाय, सुनिता बोहरा, तुलबहादुर थापा मगर, दीपक विष्ट, सविन मोक्तान र प्रकाश सारु मगर सदस्यमा चयन हुनुएको थियो । सबै पदमा निर्वाचन भएको थियो ।
