लाल्टिन खबर 
काठमाडौंँ । काठमाडौँ महानगरपालिकाको १५ औं नगरसभा स्थगित भएको छ । नगरसभाको अर्को बैठक असार १० गतेसम्मका लागि स्थगित गरिएको महानगरले जनाएको छ । कार्यपालिका सदस्यहरुले बैठक बहिष्कार गरेपछि नगरसभा बैठक स्थगित भएको हो । कांग्रेस र एमालेका वडाध्यक्षहरूले नगरसभाको बैठक बहिष्कार गरेर सभाहलबाट निस्किएपछि नगरसभा स्थगित गरिएको छ ।
असार १० गते फेरि नगरसभा बस्ने गरी बैंठक स्थगित भएको महानगरका प्रवक्ता नविन मानन्धरले जानकारी दिए । यता मेयर बालेन्द्र शाह (बालेन) ले भने तीन शीर्ष नेताले जनप्रतिनिधिको बोल्ने अधिकार हनन् गरेको आरोप लगाएका छन् । उनले सामाजिक सञ्जालमा सबै जनप्रतिनिधि कुनै नेताको उपनेताका रूपमा नआउन समेत अनुरोध गरेका थिए ।
यसअघि मेयर शाहले आर्थिक वर्ष २०८१÷८२ का लागि जेठ ३२ गते प्रस्तुत भएका वार्षिक नीति तथा कार्यक्रममाथि बोल्न चाहने सदस्यहरुलाई ५ मिनेटभित्र नाम टिपाउन समय दिएका थिए । तर एमाले र कांग्रसका वडाध्यक्षले केही प्रतिक्रिया नदिई बैंठक छाडेका थिए ।
नयाँ सडकलाई नो भेकल जोन बनाउने काठमाडौँ महानगरपालिकाका मेयरको प्रस्तावलाई आज बस्ने नगर सभामा पारित गर्ने कार्यसूची थियो । तर बैंठक नै स्थगित भएपछि आगामाी साता मात्र यस विषयमा छलफल गरी पारित गर्ने प्रवक्ता नविनको भनाइ छ ।
