लाल्टिन खबर 
काठमाडौं- राष्ट्रिय स्वतन्त्र पार्टी (रास्वपा)ले पार्टीको केन्द्रीय समितिको बैठक आह्वान गरेको छ।
महामन्त्री डा. मुकुल ढकालले बुधबार बुझाएको प्रतिवेदनमाथि छ्लफल गर्न रास्वपाले यही असार १९ गते बुधबार बैठक बोलाएको हो।
बुधबार बिहान ८ बजे पार्टीको केन्द्रीय कार्यलय चःमति, वनस्थलीमा बस्ने बैठकमा महामन्त्रीको समीक्षा प्रतिवेदनका साथै विविध विषयमा छलफल हुनेछ।
यसै विषयमा छलफलका लागि रास्वपाले बिहीबार बिहान पनि बैठक बोलाएको थियो। महामन्त्री ढकालले प्रतिवेदन बुझाएपछि र त्यसअघि नै आएका समाचारहरूले पार्टीभित्र र बाहिर हलचल मच्चिएको छ।
सोही प्रतिवेदन र त्यसलाई गरिएको सार्वजनिकका विषयलाई लिएर ढकाललाई पार्टीले कारबाही गर्ने तयारी गरेकोसम्मका कुराहरू उठेका थिए। यता, सोही विषयले सत्ता गठबन्धनमा समेत हलचल मच्चिएको छ।
