लाल्टिन खबर 
काठमाडौं –नेपाली कांग्रेसको केन्द्रीय कार्यसम्पादन समितिको बैठक शनिबार बस्दैछ। बैठक दिउँसो २ बजे पार्टी केन्द्रीय कार्यालय सानेपामा बोलाइएको पार्टी मुख्यसचिव कृष्णप्रसाद पौडेलले जानकारी दिए।
केपी शर्मा ओली नेतृत्वमा बन्ने सरकारमा पार्टीबाट प्रतिनिधित्व गर्नेको टुंगो लगाउन सभापति शेरबहादुर देउवाले समितिको बैठक बोलाएका हुन्। बैठकमा समसामयिक राजनीतिक विषयमा छलफल हुने पौडेलले बताए।
राष्ट्रपति रामचन्द्र पौडेलले आइतबार बिहान ओलीलाई प्रधानमन्त्रीमा नियुक्त गर्दैछन्। सानो आकारको मन्त्रिमण्डल आइतबार नै गठन गर्ने तयारी रहेकाले कांग्रेसले मन्त्रीको नाम टुंगो लगाउने तयारी गरेको हो।
