लाल्टिन खबर 
काठमाडौं । हमासको एक उच्च नेता इरानमा मारिएका छन् । हमासले आफ्ना शीर्ष नेता इस्माइल हानिया इरानको राजधानी तेहरानमा मारिएको जनाएको छ ।
हमासले बुधबार वक्तव्य जारी गर्दै तेहरानस्थित हानिया बसेकै स्थानमा इजरायलले आक्रमण गरेर मारेको जनाएको छ । यसबारेमा इजरायलका तर्फबाट कुनै प्रतिक्रिया आएको छैन ।
हमासका अनुसार हानिया इरानका नयाँ राष्ट्रपति मसुद पेजेस्कियानको पदभार ग्रहण गर्ने समारोहमा भाग लिन तेहरान गएका थिए ।
