लाल्टिन खबर 
काठमाडौं– संक्रमणकालीन न्याय सम्बन्धी (टीआरसी) विधेयकको प्रतिवेदन आज शीर्ष नेतालाई बुझाइने भएको छ ।
विधेयकमा सहमति जुटाउन गठित कार्यदलले आज बिहान ११ बजे मुख्य दलका शीर्ष नेताहरुलाई संयुक्त रुपमा प्रतिवेदन बुझाउन लागेको हो ।
कार्यदल सदस्य महेश बर्तौलाले सहमतिको लिखित प्रतिवेदन प्रधानमन्त्री तथा एमाले अध्यक्ष केपी ओली, कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’लाई बुझाउन लागिएको जानकारी दिए ।
विधेयकमा नमिलेका विषयमा सहमति जुटाउन कांग्रेसबाट गृहमन्त्री रमेश लेखक, एमालेबाट महेश बर्तौला र माओवादी केन्द्रबाट जनार्दन शर्मा रहेको कार्यदल गठन भएको थियो ।
