नेपाल पाँचौ सेटमा पुन स्तब्ध हुँदै गुमायो भारतसँगको फाइनल

लिग चरणको खेलमा शनिबार भारतलाई नेपाली टोलीले ३–२ को सेटमा हराएको थियो । त्यो जीत नेपाली महिला भलिबल टोलीको ऐतिहासिक उपलब्धि हो ।

सन् २०१९ को दक्षिण एसियाली खेलकुद सागको फाइनलमा अन्तिम सेट गुमाउदै नेपाल भारतसँग पराजित भएको थियो । २०२३ को काभा महिला च्यालेन्ज कपमा पनि नेपाल भारतसँग घरेलु मैदानमा स्तब्ध हुँदै उपाधी हात पार्नबाट चुकेको थियो । काभा महिला नेसन्स लिग भलिबलको तेस्रो स्थान इरानले प्राप्त गरेको छ ।

बुधबार भएको खेलमा इरानले श्रीलंकालाई ३–० को सोझो सेटमा पराजित गर्दै प्रतियोगितामा तेस्रो स्थान हासिल गरेको हो । श्रीलंकालाई इरानले २५–२२, २८–२६, र २५–१७ ले पराजित गर्दै तेस्रो बन्यो । गत बिहीबारदेखि सुरु प्रतियोगितामा नेपाल, भारत, इरान, श्रीलंकासँगै माल्दिभ्स सहभागी थिए । माल्दिभ्स अंकवीहिन हुँदै प्रतियोगिताबाट बाहिरिएको हो ।