लाल्टिन खबर 
हुम्ला – हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको दुर्घटना परी मृत्यु भएको छ ।
सोमबार सुर्खेतबाट नेपालगन्ज जाँदै गरेको कर्णाली प्रदेश ०२००१ ख १०११ नम्बरको गाडी भेरीगंगा नगरपालिका-५ को एमाले मोडमा दुर्घटना हुँदा उपाध्यक्ष कार्कीको मृत्यु भएको हो ।
दुर्घटनामा परेका उपाध्यक्ष कार्कीको टाउको र छातीमा गम्भीर चोट लागेको थियो। दुर्घटना लगत्तै उपचारका लागि नेपालगन्ज मेडिकल कलेज लगिए पनि उपचारको क्रममा राति १ बजेर ४५ मिनेटमा निधन भएको सुर्खेत जिल्ला प्रहरी कार्यालयका प्रहरी उपरीक्षक रुपेश खड्काले बताए।
उपाध्यक्ष कार्की नेकपा माओवादी केन्द्रको तर्फबाट हुम्लाको सर्केगाड गाउँपालिकामा निर्वाचित भएका हुन्। उनको श्रीमती जुम्कीत लामा कर्णाली प्रदेशसभा सदस्य छिन्।
