काठमाडौं – नेपाल सरकारका सचिब सुरेश आचार्य उर्फ गीतकार सियरा आचार्यको नयाँ तीज गीत सार्वजनिक भएको छ । सियराको ‘स्वामी जीले भन्छन् मलाई ,घर अँध्यारो नपार’ बोलको गीत आफ्नै युट्युब च्यानलबाट सार्वजनिक गरिएको हो ।
सुनिता बुढा क्षेत्रीको सुमधुर आवाजमा सजिएको गीतमा राजेश थापाको कर्णप्रिय संगीत रहेको छ । गीतको भिडियो पुजा ठकुरीको निर्देशनमा करण चाईसिरले खिचेका छन् । गीतकार पत्नी सन्जु आचार्यको निर्माण रहेको गीतको म्युजिक भिडियोमा सन्जु स्वयं र कलाकार जुना कार्की तथा सुरज लुँईटेलको शीर्ष अभिनय समेत रहेको छ ।
अरुण थुलुङ राईको कोरियोग्राफी रहेको गीतको छायांकन बिभिन्न मनोरम स्थलमा गरिएको छ । ए प्लस स्टुडियोमा रेकर्ड गरिएको गीतलाई रमेश सेन्चुरीले संगीत संयोजन र नरेश बिबिसीले मिक्सिङ र मास्टरिङ गरेका छन् ।
गीतमा तीजका बिविध पक्षलाई शब्द चित्रण गरिनुका साथै दृष्यांकन गरिएको छ । गीत सुन्दा र म्युजिक भिडियो हेर्दा तीजका लागि स्वामी जीले भन्छन् गीतले यस बर्ष देखि आगामी धेरै बर्ष तीजमा स्रोता तथा दर्शकको मन मस्तिष्कमा राज गर्ने अपेक्षा गर्न सकिन्छ ।
अनिल राईको कोरियोग्राफी रहेको उक्त भिडियोमा बिनोद बमले सम्पादन र कलर गरेका छन् । “स्वामीजीले भन्छन् ” गीतको म्युजिक भिडियो Sierra Neo Official युट्युब च्यानलमा हेर्न सकिन्छ ।
इञ्जिनियरिङ् पृष्ठभूमिका कुशल प्रशासक आचार्य ओजपुर्ण शब्दरचनका कारण अब्बल गीतकार पनि बनेका छन् । जागिरबाट बचेखुचेको समय साहित्य श्रृजनामा रमाउने गीतकार आचार्यका दर्जनौ गीत नेपालको सांगीतिक बजारमा आई लोकप्रिय भैसकेका छन् ।
प्रसिद्ध र लोकप्रिय संगीतकार र गायक,गायिकासँग सहकार्य गरिसकेका गीतकार आचार्य आगामी दिनमा समेत सृजना कर्मलाई निरन्तरता दिने सोचमा रहेको बताउछन् । तीन दशक यता गीति सृजनाम सकृय आचार्यले ‘तिम्रो प्रेरणाले’ र ‘तिमी आकाश छुन’ नामक गीति एल्वम नेपाली सुगम संगीतका लागि उपहार प्रदान गरिसकेका छन् ।
