काठमाडौँ । प्रतिनिधिसभाको शुक्रबारको शून्य समयमा सांसदहरुले बाढी, पहिरो र सडक दुर्घटनाका कारण मृत्यु हुनेको सङ्ख्या बढिरहेका विषयमा सरकारको ध्यानाकर्षण गराएका छन् ।
सांसदहरु हितराज पाण्डे, एकनाथ ढकाल, राजेन्द्र बजगाईँ र रामहरि खतिवडाले विपद् जोखिम न्यूनीकरणका लागि र सडक निर्माणका क्रममा पर्याप्त ध्यान नदिइएकाले यस्तो समस्या आएको बताएका हुन् ।
उनीहरुले असार आएपछिको विकास निर्माण गर्ने प्रवृत्ति अन्त्य गर्न पनि आग्रह गरे ।
सांसद राजेन्द्र बजगाईँले गोरखामा भएको बोलेरो दुर्घटनाबारे सरकारको ध्यानाकर्षण गराएका छन् । गोरखामा बोलेरो दुर्घटना हुँदा ५ जनाको मृत्यु भएको थियो ।
यस्तै उनले नेपाली रसियन र युक्रेन सेना र कतार प्रहरीमा भर्ती भइरहेको बारेमा पनि सरकारको ध्यानाकर्षण गराएका छन् ।
