लाल्टिन खबर 
काठमाडौँ– पृथ्वी राजमार्ग अन्तर्गत तनहुँको आबुखैरेनी सडकबाट खोलामा बस खस्दा ११ जना घाइते भएका छन्।
आबुखैरेनीबाट दमौली आउँदै गरेको बस तनहुँको आबुखैरेनी गाउँपालिका २ र ३ को बिचमा रहेको खहरे खोलामा खसेको हो। ग १ ख ९४०२ नम्बरको १५ जना सवार बस खस्दा ११ जना घाइते भएको जिल्ला प्रहरी कार्यालय तहुँले जनाएको छ।
कार्यलयका डीएसपी दिपक राएका अनुसार घटनास्थलमा प्रहरी टोली पुगिसकेको छ।
अहिले उद्धारको काम र घाइतेलाई अस्पतालमा लैजाने काम भइरहेको उनले बताए। खहरे खोलामा नयाँ पुल बन्दै गरेको थियो। बस दुर्घटनाको कारण भने खुलिसकेको छैन।
