लाल्टिन खबर 
काठमाडौं- दार्चुलामा धामीगाडामा यात्रुवाहक जिप दुर्घटना हुँदा दश जना घाइते भएका छन्।
गोकुलेश्वरबाट जिल्लाको खलंगबा आउँदै गरेको से १ ज १०२२ नम्बरको जिप मालिकार्जुन गाउँपालिका–८ धामीगाडामा दुर्घटनामा परेको प्रहरी कार्यालय दार्चुलाले जनाएको छ।
कार्यालयका प्रहरी निरीक्षक छत्र रावतका अनुसार जिप अनियन्त्रित भई सडक छेउ नालीमा पल्टिएको हो। घाइते १० मध्ये एक जना अवस्था सामान्य भएर घर फर्किसकेको छन भने अन्य नौ जनाको जिल्ला अस्पतालमा उपचार भइरहेको छ।
उपचाररत घाइते सबैको अवस्था सामान्य रहेको उनले बताए। जिप चालकलाई प्रहरीले नियन्त्रणमा लिएको छ। जिपमा सवार यात्रुको एकिन नभएको उनले बताए।
