लाल्टिन खबर 
काठमाडौं – सूर्यदर्शन सहकारीको रकम अपचलनमा गोरखा मिडिया नेटवर्कका सञ्चालकलाई अनुसन्धानमा तानेको तेस्रो दिनमा कास्की प्रहरीका हाकिम फेरिएका छन्।
थापाकै पालामा सहकारी ठगीमा रविको संलग्नतालाई लिएर कारबाही गर्न दबाब बढेको थियो। तर रविविरुद्ध प्रमाण नरहेको दाबी एसपी थापाको थियो। थापा नेपाल प्रहरीमा कानुनबारे राम्रो जानकारी राख्ने अधिकृत मानिन्छन्। उनले यसअघि काठमाडौं प्रहरी परिसरको पनि मुद्दा शाखाको कमान्ड सम्हालेका थिए।
लमजुङ स्थायी घर भएका ओलियाको एसपीका रूपमा यो पहिलो इन्चार्ज जिम्मेवारी हो। उनी हाल प्रहरी एकेडेमीमा कार्यरत थिए। कास्की प्रहरीले जोशीलाई ठगी र संगठित अपराधमा म्याद लिएर अनुसन्धान गरिरहेको छ। यी कसुरमा जोशी ६० दिनसम्म प्रहरी हिरासतमा रहन सक्नेछन्।
सम्पत्ति शुद्धीकरणसमेत अभियोग लागे प्रहरीले ९० दिनसम्म हिरासतमा राख्न सक्ने छ। यहीबीचमा सरकारले छविलाई पक्राउ गरेर उनको बयानका आधारमा आफूलाई पनि पक्राउ गर्ने तयारी गरिरहेको आशंका पूर्व गृहमन्त्रीसमेत रहेका रविको छ।
मङ्गलवार साँझ फेसबुक लाइभमा आएर उनले सहकारी ठगीमा आफ्नो कुनै भूमिका नरहेको छानबिन समितिले नै स्पष्ट पारेको र ठगीबाट कम्पनीमा आएको रकमको हकमा आफूले कानुन अनुसारको जिम्मेवारी लिने बताएका थिए।
