लाल्टिन खबर 
काठमाडौं – नेकपा माओवादी केन्द्रको विरोध सभा सुरु गर्न अघि जुलुस निकालेको छ।
काठमाडौं मलमा जम्मा भएर माओवादीले जुलुस निकालेको हो ।
सरकारका गलत कदमको विरोध र गर्नुपर्ने कामका लागि ध्यानाकर्षण गराउन भन्दै माओवादीले आज खबरदारी सभा आयोजना गरेको छ।
आरएनएसी हुँदै अघि बढेको प्रदर्शन भृकुटीमण्डप पुगेपछि खबरदारी सभामा परिणत हुने माओवादी केन्द्रले जनाएको छ।
जुलुसमा माओवादी शीर्ष नेताहरूका साथै कार्यकर्ताहरू सहभागी भएका छन्।
