लाल्टिन खबर 
काठमाडौं, १४ मंसिर – काठमाडौंबाट रामेछाप गइरहेको फोर्स गाडी दुर्घटना हुँदा ५ जनाको मृत्यु भएको छ ।
रामेछापकै गोकुलगंगा गाउँपालिका(६ सिमलडाँडामा भएको उक्त दुर्घटनामा ५ जनाको घटनास्थलमै मृत्यु भएको हो ।
जिल्ला प्रहरी कार्यालय रामेछापका अनुसार गाडी ३ सय मिटर तल खसेको छ । मृत्यु हुनेमा २ पुरुष, २ जना महिला र एक बच्चा रहेको प्रहरीले जनाएको छ ।
गाडीमा ८ जना सवार रहेकोमा ३ जना घाइतेको उद्धार गरिएको छ ।
मृतकहरूको सनाखत हुन बाँकी छ । रामेछापका प्रमुख जिल्ला अधिकारी राजुप्रसाद पौडेलले घाइते ३ जनामध्ये २ जनालाई स्थानीय अस्पतालमा पुर्याइसकेको र एकजनाको उद्धार भइरहेको छ ।
सीडीओ पौडेलले गोकुलगंगा(४ का वडा अध्यक्ष रामचन्द्र बस्नेत पनि गाडीमा सवार रहेको जानकारी आएको बताए ।
