काठमाडौँ – नेपाल प्रिमियर लिग (एनपिएल)मा उपविजेता बनेको सुदूरपश्चिम रोयल्सका कप्तान दीपेन्द्र सिंह ऐरी प्रतियोगिताको सर्वोत्कृष्ट खेलाडि बनेका छन्।
प्रतियोगितामा उत्कृष्ट प्रदर्शन गरेका दीपेन्द्रले अमोडाको कार उपहार पाएका छन्।
उनले ब्याटिङ, बलिङ र फिल्डिङमा उत्कृष्ट प्रदर्शन गरेका थिए। प्रतियोगितामा २२७ रन बनाएका उनले ९ विकेट लिएका थिए।
यस्तै, जनकपुर बोल्ट्सका ललित राजवंशीले अल्ट्राभाइलेट इलेक्ट्रिक मोटरसाइकल जितेका छन्। उनले प्रतियोगितामा १७ विकेट लिएका थिए।
