लाल्टिन खबर 
काठमाडौँ – प्रधानमन्त्री केपी शर्मा ओलीले एनपीएल क्रिकेट प्रतियोगिताको उपाधि विजेता जनकपुर बोल्ट्सलाई बधाई दिएका छन्।
आज कीर्तिपुर क्रिकेट मैदानमा भएको अन्तिम खेलमा सुदूरपश्चिमलाई ५ विकेटले हराउँदै जनकपुरले पहिलो एनपीएलको उपाधि जितेको थियो।
प्रधानमन्त्री ओलीले सामाजिक सञ्जालमा लेखेका छन्, ‘बधाई जनकपुर बोल्ट्स्, एनपीएल उपाधि हात पारेकोमा। आजको खेलमा सुदूरपश्चिम रोयल्सको पनि राम्रो प्रदर्शन थियो। यससँगै नेपाली क्रिकेटको महापर्व आज सम्पन्न भएको छ।’
उनले एनपीएलमा सहभागी सबै टिम र आयोजक तथा व्यवस्थापक सबैलाई धन्यवाद पनि दिएका छन्।
