लाल्टिन खबर 
काठमाडौं, १७ पुस – सरकारले प्रत्येक वर्ष माघ १४ गते सम्पत्ति शुद्धिकरण निवारण राष्ट्रिय दिवस मनाउने भएको छ ।
सरकारका निर्णय सार्वजनिक गर्दै प्रवक्ता पृथ्वीसुब्बा गुरुङले प्रत्येक वर्ष माघ १४ गते प्रधानमन्त्री तथा मन्त्रिपरिषद्को कार्यालयले देशभर सम्पत्ति शुद्धिकरण निवारण राष्ट्रिय दिवस मनाउने निर्णय गरेको जानकारी दिए ।
त्यस्तै, प्रहरी अपराध अनुसन्धान बिभागमा कार्यरत प्रहरी अतिरिक्त महानिरिक्षक टेकबहादुर तामाङलाई काठमाडौं उपत्यका प्रहरी कार्यालय रानीपोखरीमा सरुवा गरिएको छ भने राष्ट्रिय खेलकुद परिषद्को उपाध्यक्षमा ध्रुव आचार्यलाई नियुक्त गर्ने निर्णय गरिएको प्रवक्ता गुरुङले बताए ।
त्यस्तै, मन्त्रिपरिषद्ले खानेपानी तथा सरसफाइ नियमावली, उर्जा बिकास मार्गचित्र स्वीकृत गरेको छ भने निकारी पैठारीसम्बन्धी कानूनलाई संशोधन र एकीकरण गर्न बनेको विधेयक सङ्घीय संसद्मा पेस गर्न स्वीकृति प्रदान गरेको छ ।
