लोसपा द्वारा तिन भातृसंगठनको संयोजक मनोनयन

काठमाडौं – लोकतान्त्रिक समाजवादी पार्टी (लोसपा) नेपालका केन्द्रीय अध्यक्ष महन्थ ठाकुरले लोकतान्त्रिक युवा संघको संयोजक भिनुक लाल राय (सुजन), लोकतान्त्रिक महिला संघका संयोजक मिनु ठाकुर, लोकतान्त्रिक ट्रेड युनियन महासंघको संयोजक केशव अधिकरीलाई मनोनयन गरिएको पत्र प्रदान गर्नु भएको छ ।

उक्त अवसरमा पार्टीका बरिष्ठ उपाध्यक्ष जितेन्द्र सोनल, उपाध्यक्ष डा.आभास लाभ, महासचिवद्वय डा. सुरेन्द्र झा, मनिष मिश्रलगायतका नेताहरूले अबिर तथा खादा लगाई बधाई एवं शुभकामना ब्यक्त गरेका थिए ।