images
images

चेम्बरका निवर्तमान अध्यक्ष मल्ल विशिष्ट वाणिज्य सेवा पदकबाट सम्मानित

काठमाडौं, ११ माघ – नेपाल चेम्बर अफ कमर्सका निवर्तमान अध्यक्ष राजेन्द्र मल्ललाई विशिष्ट वाणिज्य सेवा पदकबाट सम्मानित गरिएको छ। उक्त सम्मान तेस्रो विराट एण्ड फिल्म अवार्ड २०८१ को अवसरमा प्रदान गरिएको हो।

कार्यक्रमका प्रमुख अतिथि पूर्व भौतिक पूर्वाधार तथा यातायात मन्त्री प्रकाश ज्वालाले मल्ललाई पदक प्रदान गरेका थिए। प्रमुख अतिथि ज्वालाले मल्लले नेपालको व्यापार र उद्योग क्षेत्रको विकासमा पुर्याएको योगदानको प्रशंसा गर्दै यो सम्मान योग्य व्यक्तिलाई प्रदान गरिएको बताए।

चलचित्र विकास बोर्डका अध्यक्ष दिनेश डी.सी.को विशेष उपस्थितिमा आयोजित उक्त कार्यक्रममा नेपाली चलचित्र क्षेत्रका थुप्रै कलाकारहरुको पनि उपस्थिति थियो। कलाकारहरुले कार्यक्रमलाई मनोरञ्जनात्मक बनाउँदै नेपाली चलचित्र र व्यवसायको सहकार्यलाई थप उचाइमा पुर्याउन सकिने धारणा व्यक्त गरे।

तेस्रो विराट एण्ड फिल्म अवार्डले नेपाली व्यापार र चलचित्र क्षेत्रलाई जोड्न महत्वपूर्ण भूमिका खेलेको आयोजकले बताएका छन्।