लाल्टिन खबर 
नयाँ दिल्ली – भारतले आइतबार ७६औ गणतन्त्र दिवस भव्यताका साथ मनाएको छ ।
आइतबार कर्तव्य पथमा आयोजित परेडमा भारतले सैनिक मार्चको साथमा क्षेप्यास्त्र, ट्याङ्क, लडाकु विमानहरू आदिको शक्ति प्रदर्शन गरेको थियो ।
भारतको गणतन्त्र दिवस समारोहको प्रमुख अतिथिको रूपमा इन्डोनेसियाका राष्ट्रपति प्रबोवो सुबियान्तो उपस्थित भएका थिए ।
राष्ट्रपति द्रौपदी मुर्मुले सलामी ग्रहण गरेपछि परेड सुरु भएको थियो । समारोहमा प्रधानमन्त्री नरेन्द्र मोदी, रक्षामन्त्री राजनाथ सिंह, अन्य धेरै केन्द्रीय मन्त्रीहरू, देशका शीर्ष सैन्य अधिकारीहरू, विदेशी कूटनीतिज्ञहरू र वरिष्ठ अधिकारीहरू उपस्थित भएका थिए ।
परेडमा स्वदेशी अर्जुन युद्ध ट्याङ्क, तेजस लडाकु विमान र उन्नत हलुका हेलिकप्टरहरूले जमिन, पानी र हावामा समन्वित अपरेशन प्रदर्शनको साथै भारतीय परम्पराहरू झल्काउने विभिन्न कार्यक्रमहरू गरिएको थियो ।
तस्बिरहरुः एएफपी
