लाल्टिन खबर 
काठमाडौँ – राष्ट्रिय स्वतन्त्र पार्टीका प्रमुख सचेतक सन्तोष परियारले पार्टी जीवनमा आएका अप्ठेरा चिरेर अघि बढ्ने बताएका छन्।
शुक्रवार संसद् भवन परिसरमा सञ्चारकर्मीहरूसँग कुरा गर्दै उनले यस्तो बताएका हुन्। उनले अभियान, क्रान्ति र देश निर्माणमा हिँड्ने क्रममा राजनीतिक पार्टीका जीवनमा यस किसिमका घटना हुने गरेको बताए। उनले देश निर्माण गर्ने नयाँ पुस्ताको अभियानलाई निरन्तर अघि बढाउने बताए।
परियारले भने‚ ‘एउटा अभियान, क्रान्ति र देश निर्माणमा हिँडिरहँदा एउटा राजनीतिक पार्टीका जीवनमा अनेक घटना हुन्छन्। नेपालको राजनीतिक इतिहासमा अहिले स्थापित नेताहरू हुनुहुन्छ, राणाका, पञ्चायतका वेला राज्यले उहाँहरूलाई कति अन्याय गरेको थियो भन्नेमा उहाँहरू स्वयं अनुभवी हुनुहुन्छ। पार्टी जीवनमा आएका अप्ठेरा चिरेर अघि बढ्छौँ।
उनले पार्टी र खास नेताहरूको जीवनमा यस्ता घटना हुने गरेको बताए।
