लाल्टिन खबर 
काठमाडौं, ८ फागुन – नेपाली कांग्रेसका सभापति शेरबहादुर देउवा आज भारत भ्रमणमा जाने भएका छन्।
उत्तरप्रदेशस्थित प्रयागराजमा भइरहेको महाकुम्भको अवसर पारेर देउवा भारत जान लागेका हुन्। उनी आज दिउँसो ३ बजे भारत प्रस्थान गर्ने सभापति देउवाको सचिवालयले जनाएको छ।
इन्डिया फाउन्डेसनले ‘कुम्भ ग्लोबल समिट अन डेभलपमेन्ट एण्ड सस्टेइनबेलीटी’ कार्यक्रममा वक्ताको रुपमा सहभागी हुन देउवा भारत जान लागेका हुन्। उक्त कार्यक्रम प्रयागराजमा शुक्रबार र शनिबार हुने तालिका छ।
उक्त कार्यक्रममा उत्तर प्रदेशका मुख्यमन्त्री योगी आदित्यनाथ समेत सहभागी हुँदैछन्। समिट अन्य देशबाट पनि वक्ताका रुपमा आमन्त्रण गरिएको छ।
४५ दिन चलेर १४ फागुनमा कुम्भ मेला सकिँदैछ। यसअघि कांग्रेस महामन्त्री गगन थापा, नेता अर्जुननरसिंह केसी, प्रकाशशरण महतह लगायत पनि कुम्भ मेलामा सहभागी भई गंगामा स्नान गरेर फर्किएका थिए।
सभापति देउवा शनिबार स्वदेश फर्किने कार्यतालिका रहेको छ।
