लाल्टिन खबर 
काठमाडौं, १५ फागुन – नेपाल स्टक एक्सचेञ्ज (नेप्से) परिसूचक साताको अन्तिम कारोबार दिन २८ सय विन्दु नाघेको छ । बिहीबार नेप्से परिसूचक ४९ दशमलव १५ अंकले बढेर २ हजार ८ सय १५ दशमलव ०४ विन्दुमा कायम हो ।
बिहीबार कारोबार रकम पनि बढेको छ । गएको मंगलबार ९ अर्ब ९० करोडको शेयर कारोबार भएकोमा बिहीबार ३ सय वटा कम्पनीका २ करोड ६१ लाख कित्ता शेयर ११ अर्ब ३९ करोड रुपैयाँमा कारोबार भएका छन् । बिहीबार सबै समूहको शेयर बढेकोमा बैंकिङ सेक्टर सबैभन्दा धेरै ३.३२ प्रतिशत बढेको छ ।
उत्पादन समूह झण्डै ३ प्रतिशतले बढेको छ । यस्तै, गार्डियन माइक्रो लाइफ इन्सुरेन्स, अपर हेवा खोला जलविद्युत्, सिन्धु विकास बैंक, दोर्दी खोला जलविद्युत् कम्पनीको शेयर १० प्रतिशतले बढेको छ । भूगोल इनर्जी डेभलपमेन्ट कम्पनीको शेयर ७ प्रतिशतभन्दा धेरैले घटेको छ ।
