काठमाडौँ, ४ चैत – सरकारको स्वामित्वले समाजवाद सुनिश्चितता हुन्छ भन्ने मान्यता असफल भइसक्यो । चीन, रसियालगायत तमाम समाजवादी मुलुकहरुलाई हेरौं न अहिलेको समाजवाद भनेको निजी क्षेत्रले उत्पादन गर्ने र त्यसबाट पाएको राजस्व कुन वर्ग र समूह पछि पर्यो, त्यो वर्ग र समूहमा लगानी गर्ने पद्धति हो । यसमा अझै पनि कन्फ्युजन भएर बस्यौं भने हामी यहाँबाट अगाडी बढ्दैनौं ।
उद्योगको जमिनसमेत निजीकरण गर्दा यसले विवाद ल्यायो र अनेकौं प्रश्नहरु उठे, त्यहाँको पूर्वाधारको स्वामित्व राज्यको नै हुने निजी क्षेत्रले सञ्चालन गर्न चाहान्छ, निश्चित सर्तका आधारमा सञ्चालन गर्न दिने मोडेलमा हामी जाने र जुन संस्थान राज्यले सञ्चालन गर्न आवश्यक छ र घाटालाई अन्त्य गर्ने त्यो निर्णय हामीले त्यसबेलामा गरेका हौं । यता विपक्षीका साथीहरुले यो बेच्न थाल्यो, खतम गर्न थाल्यो, अर्को नाम गरेर घुमाउरो बाटोबाट आयो जस्ता दुईटा कुरा गर्दा हाम्रो देशमा समस्या आएको हो ।
भारतको राष्ट्रिय ध्वजावाहक एयर इन्डिया लिमिटेड अर्बौं अर्ब रुपैयाँ घाटा व्यहोर्दा व्यहोर्दा सरकार हैरान भएर टाटा ग्रुपलाई बिक्री गरेको छ । अहिले एयर इन्डियामा घाटाको कुरै छैन् । निजी क्षेत्रमा गएपछि नाफा गर्न थालेपछि एयर इन्डियाको घाटामा जाने कुरा हाराए । निगमको स्वामित्व र औचित्यबारे अन्तर्राष्ट्रिय स्तरमा प्रश्नहरु उठेका छन् । अन्य मुलुकले त्यो अवस्था देखेर आफैले चलाउने बाटो छाडिसके । त्यसैले हामीले अहिले पनि नस्टाल्जी भएर सरकारको स्वामित्व हुनेबित्तिकै जनताको स्वामित्व हुन्छ भन्ने मान्यतालाई त्याग्न जरुरी छ ।
(पूर्वअर्थमन्त्री डा. महतले निजीकरण पहिलो संशोधन विधेयकको छलफलमा दिएको मन्तव्य)
