लाल्टिन खबर 
काठमाडौँ – शिक्षा, विज्ञान तथा प्रविधिमन्त्री रघुजी पन्तले संविधान, कानून र देशको बजेटले धान्ने सीमाभित्र रहेर शिक्षकका माग सम्बोधन गर्ने प्रतिबद्धता जनाएका छन्।
शुक्रवार संसद भवन परिसरमा सञ्चारकर्मीसँग कुरा गर्दै उनले यस्तो प्रतिबद्धता जनाएका हुन्।
उनले सरकार शिक्षकहरुसँग वर्ता र संवादका माध्यमबाट अहिलेका समस्या समाधान गर्न पनि प्रतिबद्ध रहेको बताए। उनले लचिलो भएर वार्तामा आउन शिक्षकहरुलाई आह्वान गरे।
सरकारका तर्फबाट वार्ताका लागि आफूले आह्वान गरिसकेको पनि शिक्षामन्त्री पन्तको भनाइ थियो।
