लाल्टिन खबर 
यो स्वीकारोक्ति रुसले उत्तर कोरियाको सहभागिता पुष्टि गरेको केही दिनपछि आएको हो । दक्षिण कोरियाली र पश्चिमी गुप्तचर एजेन्सीहरूले लामो समयदेखि प्योङयाङले गत वर्ष कुर्स्कमा मद्दत गर्न १० हजारभन्दा बढी सैनिक पठाएको जनाएका थिए । “हाम्रो सशस्त्र बलका उप–एकाइहरू कोरियाली जनवादी गणतन्त्रका राज्य प्रमुखको आदेश अनुसार कुर्स्क क्षेत्रहरूलाई मुक्त गर्ने अभियानमा सहभागी भएका थिए”, उत्तरको केन्द्रीय सैन्य आयोगले केसिएनए रिपोर्टमा भनेको छ । उत्तर कोरियाली नेता किम जोङ उनको सेना तैनाथ गर्ने निर्णय आपसी रक्षा सन्धिअनुसार भएको बताइएको छ । “न्यायका लागि लड्नेहरू सबै वीर र मातृभूमिको सम्मानका प्रतिनिधि हुन्”, केसिएनएले किमलाई उद्धृत गर्दै भनेको छ । किमले राजधानीमा ‘युद्धका उपलब्धिहरू’ को स्मारक चाँडै निर्माण गरिने बताउनुभयो र युद्धमा उत्तर कोरियाली सैनिकहरू मारिएको सार्वजनिक रूपमा पुष्टि गर्दै ‘मारिएका सैनिकहरूको चिहानहरू’ को उल्लेख गर्नुभयो । “देशले युद्धका पूर्वसैनिकहरूका परिवारलाई विशेष सम्मान र हेरचाह गर्न महत्त्वपूर्ण राष्ट्रिय उपायहरू अपनाउनु पर्छ”, उहाँले भन्नुभयो । केन्द्रीय सैन्य आयोगका अनुसार युक्रेनी अधिकारीहरूद्वारा रूसी सङ्घको साहसिक आक्रमणलाई रोक्न कुर्स्क क्षेत्रलाई मुक्त गर्ने अपरेसनहरू विजयी रूपमा सम्पन्न भयो । 
शनिबार रुसी प्रमुख स्टाफ भ्यालेरी गेरासिमोभले उत्तर कोरियाली सैनिकहरूको ‘वीरता’ को प्रशंसा गर्नुभयो । उहाँका अनुसार उत्तर कोरियाली सैनिकहरूले युक्रेनी सशस्त्र बलको समूहलाई पराजित गर्न महत्त्वपूर्ण सहयोग प्रदान गरे । दक्षिण कोरियाको रक्षा मन्त्रालयले सोमबार एक नियमित प्रेस ब्रिफिङमा उत्तर कोरियाको सेनाको तैनाथीले संयुक्त राष्ट्र सुरक्षा प्रस्तावहरूको उल्लङ्घन गरेको बताएको छ । “यसलाई आधिकारिक रूपमा स्वीकार गरेर (उत्तरले) आफ्नै आपराधिक कार्यहरू स्वीकार गरेको छ”, उनीहरूका प्रवक्ताले भने । – आन्तरिक विरोध कम गर्न – 
“तैनाथ सैनिकहरूलाई राज्य सुविधाहरू प्रतिबद्ध गरेर उत्तर कोरियाले आन्तरिक विरोधलाई पर्याप्त रूपमा कम गर्न सक्छ”, यो कदमले प्योङयाङको आत्मविश्वासलाई प्रतिबिम्बित गर्छ भन्दै उहाँले भन्नुभयो, “रुसबाट थप पुरस्कारहरू सुरक्षित गर्न उत्तर कोरियाले सम्भवतः उनीहरूको संलग्नताका कारण विजय हासिल भएको देखाउन खोजेको हो ।” मस्कोले आफ्नो पश्चिमी क्षेत्रको ‘मुक्ति’ को दाबी गरेको भए पनि युक्रेनी राष्ट्रपति भोलोदिमर जेलेन्स्कीले आइतबार युक्रेनको सेना अझै पनि कुर्स्कमा लडिरहेको बताउनुभयो । प्योङयाङको केन्द्रीय सैन्य आयोगले उक्त कारबाही ‘उत्तर कोरिया र रुसका दुई देशबीचको दृढ सैन्य मैत्री’ को प्रमाण भएको बताएको छ । रुसले नाजी जर्मनीको पराजयको ८० वर्ष पूरा भएको अवसरमा विशाल सैन्य परेड र राष्ट्रपति भ्लादिमिर पुटिनको सम्बोधनसहित मे ९ मा आफ्नो सबैभन्दा ठूलो विजय दिवस मनाउने प्रतिबद्धता जनाएको छ ।
“किम कार्यक्रममा उपस्थित हुने सम्भावना अपेक्षाकृत कम देखिए पनि यसलाई पूर्णतः नकार्न सकिँदैन”, लिमले भन्नुभयो, “कुर्स्क क्षेत्रको पुनः कब्जा किमको विजय दिवस समारोहमा उपस्थितिका लागि एक सकारात्मक औचित्य हुन सक्छ ।” रासस/एएफपी
