लाल्टिन खबर 
काठमाडौँ – काभ्रेको रोशी खोलामा आएको बाढीले सडक बगाउँदा बीपी राजमार्ग अवरुद्ध भएको छ । सोमबार राति आएको बाढीका कारण बीपी राजमार्ग अवरुद्ध भएको हो ।
बाढीले रोशी गाउँपालिका १२ माम्तीस्थित सडक बगाएको हो । अहिले राजमार्गमा गुडिरहेका गाडीहरूलाई सुरक्षित स्थानमा रोकेर राखिएको जिल्ला प्रहरी कार्यालय काभ्रेका एसपी कोमल शाहले जानकारी दिए ।
सडक सुचारु गर्नको लागि पहल भइरहेको समेत उनले बताए । यात्रुहरूको सुरक्षालाई ध्यानमा राख्दै केही सवारी साधनलाई सिन्धुलीतर्फ नै फर्काइएको समेत उनले बताए । बाढीको बहाव घट्ने क्रममा रहेको समेत उनले बताए ।
