काठमाडौँ । नेकपा माओवादी केन्द्रको बैठकमा पार्टीमा उमेरहद लागू गरिनुपर्ने माग उठेको छ । जारी केन्द्रीय समितिको बैठकमा सरकारले तोकेको ६८ वर्ष (ज्येष्ठ नागरिक भत्ता पाउने उमेर)लाई मापदण्ड बनाउन सकिने बताइएको छ ।
हरेक कमिटीहरू निर्वाचनद्वारा चयन हुनुपर्ने माग पनि बैठकमा उठेको छ ।
पार्टी तथा जनवर्गीय सङ्गठनका हरेक तहका कमिटी २ अङ्कको बनाउनुपर्ने सुझाव नेताहरुले दिएका छन् ।
हरेक तहको पार्टी कमिटीको मुख्य नेतृत्वमा लगातार २ कार्यकालमात्र रहन पाउने व्यवस्था गर्न माग गरिएको छ ।
२०६३ यता पार्टीको तर्फबाट राजकीय जिम्मेवारी वा विभिन्न लाभको पदमा बसेका नेता कार्यकर्ताहरूको सम्पत्ति विवरण सार्वजनिक गर्नुका साथै आवश्यकताअनुसार राज्यको निकायद्वारा छानबिन पनि गराउनुपर्ने नेताहरूको माग छ ।
