एजेन्सी– इजरायलले इरानको राजधानी तेहरानमा नयाँ आक्रमण गरेको जानकारी दिएको छ।
इजरायली सेनाले आफ्नो वायुसेनाले तेहरानमा रहेका सैन्य ठेगानाहरूलाई लक्षित गर्दै ‘एकसाथ धेरै आक्रमण’ गरेको बताएको हो।
इरानी मिडियाले इरानी राजधानीमा विस्फोटको आवाज सुनिएको र सहरमाथि धुवाँको ठुलो मुस्लो उठिरहेको भिडियो सार्वजनिक गरेको बेला यो विज्ञप्ति आएको हो।
यसअघि इजरायली सेनाले इरानका छ वटा विमानस्थलमा आक्रमण गरेको बताएको थियो। सेनाका अनुसार यी आक्रमणहरूमा १५ वटा विमान ध्वस्त भएका छन् र धावनमार्गमा क्षति पुगेको छ।
इजरायली रक्षा बल (आईडीएफ)ले आक्रमणहरू पश्चिमी, पूर्वी र मध्य इरानका विमानस्थलहरूमा गरिएको थियो। आईडीएफका अनुसार, यी हवाई हमलाहरूमा एफ-१५ र एफ-५ लडाकु विमानहरू, इन्धन भर्ने विमानहरू र एएच-१ कोब्रा हेलिकप्टरहरू नष्ट भएका छन्।
