विशालटार, १० असार – धादिङको बेनीघाट रोराङ गाउँपालिकाले आर्थिक बर्ष २०८२/०८३ का लागि रु ९३ करोड भन्दा बढी बजेट ल्याएको छ । गाउँपालिका उपाध्यक्ष टाप बहादुर श्रेष्ठले सोमबाार १७ औँ गाउँसभामा चालु खर्च तर्फ रु. ५४ करोड ६१ लख ३१ हजार र पुँजीगत तर्फ रु.३८ करोड ६९ लाख गरि ९३ करोड ३० लाख ३१ हजार बजेट प्रस्तुत गर्नुभएको हो । चालु तर्फ ५८.५३ र पुँजीगत तर्फ ४१.४७ प्रतिशत रहेको छ ।
क्षेत्रगत आर्थिक विकासका लागि रु. ६ करोड,३६ लाख, सामाजिक विकास तर्फ ४२ करोड २७ लाख ३१ हजार, पूर्वाधार विकास तर्फ रु. ३१ करोड ८० लाख ५ हजार, वन वातावरण तथा विपद् व्यवस्थापन तर्फ रु. १ करोड १२ लाख ५ हजार र संस्थागत विकास तथा सुशासन तर्फ रु ११ करोड ७४ लाख विनियोजन गरेका छन् ।
यस अघि गाउँपालिका अध्यक्ष कृष्ण बहादुर थपलिया विवेकले गाउँपालिकाको आर्थिक बर्ष २०८२/०८३ को निति तथा कार्यक्रम प्रस्तुत गर्नुभएको थियो।
निति तथा कार्यक्रममा आवासीय विद्यालयको विस्तार मार्फत गुणस्तरीय शिक्षामा समतामुलक पहुँच, भोको पेटको अन्त्य, खानेपानी तथा सेवाको विस्तार र दिगो व्यवस्थापन सुशानयुक्त सहभागितामूलक स्थानीय शासन,महिलाको आर्थिक सामाजिक सशक्तिरण्म, कृषि र पशुपालन,उद्यमशिलता, स्वालम्बन र आर्थिक समृद्धि प्राथमिकतामा रहेको अध्यक्ष थपलियाले बताउनुभयो ।
अध्यक्ष थपलियाले प्रस्तुत गर्नुभएको निति तथा कार्यक्रम र उपाध्यक्ष श्रेष्ठले प्रस्तुत गर्नुभएको बजेट गाउँसभाले सर्वसम्मत पारित गरेको गाउँपालिका प्रमुख प्रशासकिय अधिकृत नर्बदा घिमिरेले जानकारी दिनुभयो ।
