काठमाडौं– भारत उत्तरखण्डको उत्तरकाशी जिल्ला धरालीस्थित खिर गंगामा छोटो समयमै भीषण बाढी आएको छ । कल्पनाभन्दा बाहिरको तीव्र गतिको बाढीले नदी किनारका बस्ती तहसनहस पारेको छ ।
क्षतिको विवरण नआए पनि ठूलो जनधनको क्षति भएको अनुमान गरिएको छ । भास्कर डटकमका अनुसार अहिलेसम्म ४ जनाको मृत्यु र ५० भन्दा बढी बेपत्ता भएको पुष्टि भएको छ।
घटना आज दिउँसोको हो। क्षतिको विवरण आउन बाँकी छ। उद्धार जारी रहेको जनाइएको छ । बाढीका कारण २० देखि २५ वटा होटल र होमस्टे क्षतिग्रस्त भएका छन् ।
स्थानीयका अनुसार दर्जन बढी मजदुरहरु बाढीमा दबिएको हुनसक्ने बताइएको छ । जिल्ला अधिकारी कुमार आर्यले धराली विपद्मा चार जनाको मृत्यु भएको छ ।
