काठमाडौं– गायक पशुपति शर्मा सवार गाडी दुर्घटना भएको छ।
पोखराबाट वालिङ जाँदै गरेको गायक शर्मा सवार ग १ च ४१७१ नम्बरको गाडी दुर्घटना भएको हो।
जिल्ला प्रहरी कार्यालय स्याङ्जाका अनुसार सिद्धार्थ राजमार्गअन्तर्गत स्याङ्जाको भीरकोट नगरपालिका २ मा गाडी दुर्घटना भएको हो।
गाडीमा चार जना सवार थिए। कारमा सवार ४ जनालाई ठूलो चोट नलागेको डीएसपी न्यौपानेले जनाए। गायक शर्माको देब्रे हातको कान्छी औंला भाँचिएको छ। कारमा सामान्य क्षति पुगेको छ।
गायक शर्मा सांगीतिक कार्यक्रमको लागि स्याङ्जा पुगेका हुन्।
