काठमाडौं — जसपा नेपालका केन्द्रीय अध्यक्ष तथा पूर्व उपप्रधानमन्त्री उपेन्द्र यादव र मधेश प्रदेशका मुख्यमन्त्री जितेन्द्र सोनलबीच आज बाराको कलैयामा शिष्टाचार भेटघाट भएको छ।
भेटका क्रममा दुबै नेताबीच समसामयिक राजनीतिक परिस्थिति, प्रदेश सरकारको कार्यदिशा र आगामी राजनीतिक समन्वयका विषयमा विस्तृत कुराकानी भएको बुझिएको छ। साथै, मुख्यमन्त्री सोनलले प्रदेशसभामा लिन लागेको विश्वासको मत सम्बन्धमा समेत गहन छलफल भएको स्रोतले जनाएको छ।
यो भेटलाई मधेश प्रदेशको वर्तमान राजनीतिक समीकरण र सरकार स्थायित्वका दृष्टिले निर्णायक संकेतका रूपमा लिइएको छ। स्थानीय राजनीतिक विश्लेषकहरूले यादव–सोनल भेटलाई मधेश प्रदेशको आगामी सत्ता गठबन्धन र नीति–निर्देशनमा प्रभाव पार्ने सम्भावनासहितको *‘टर्निङ प्वाइन्ट’*का रूपमा व्याख्या गरेका छन्।
