काठमाडौं -विकेटकिपर ब्याटर एडम रोसिङ्गटन र जिमी नीशमका अर्धशतकको मद्दतमा पोखरा एभेन्जर्सले सिद्धार्थ बैंक नेपाल प्रिमियर लिग (एनपीएल) मा लुम्बिनी लायन्सलाई १५१ रनको लक्ष्य दिएको छ।
कीर्तिपुरस्थित टीयू अन्तर्राष्ट्रिय क्रिकेट स्टेडियममा शनिबारको पहिलो खेलमा टस हारेर पहिले ब्याटिङ गरेको पोखराले कमजोर सुरुवात गरे पनि रोसिङ्गटन र नीशमले उत्कृष्ट साझेदारी गरेका कारण ५ विकेट गुमाउँदै १५० रनको प्रतिस्पर्धात्मक योगफल खडा गर्यो।
ओपनर रोसिङ्गटनले ६३ बलमा ७ चौका र ५ छक्कासहित सर्वाधिक ८१ रन बनाए। यस्तै नीशमले आक्रामक ब्याटिङ गर्दै ३२ बलमा ३ छक्का र ३ चौका प्रहार गर्दै अविजित ५१ रन योगदान दिए। दुवैले मिलेर पाँचौं विकेटका लागि ९२ रनको साझेदारी गरे।
लुम्बिनीका लागि शेर मल्ल र तिलक भण्डारीले दुई–दुई विकेट लिए भने गुलबादिन नाइबले एक विकेट हात लगाए।
