काठमाडौं – नेपाल राष्ट्र बैंकले बैंकिङ प्रणालीबाट आइतबार थप ४० अर्ब रूपैयाँ उठाउने भएको छ।
बजारमा तरलता अत्याधिक बढेपछि राष्ट्र बैंकले बैंकिङ प्रणालीबाट रकम उठाउने जानकारी दिएको छ।
यसका लागि आइतबार ३ बजे बोलकबोल हुने राष्ट्र बैँकले जानकारी दिएको छ।
कम्तीमा १० करोड रूपैयाँ र बढीमा ५ करोड रूपैयाँले भाग लाग्नेगरीको रकम बोलकबोल गर्न मिल्ने तथा सावाँ तथा ब्याज भुक्तानी आगामी पुस २० गते हुने पनि बैँकले जानकारी दिएको छ।
यसको ब्याजदरसमेत बोलकबोलको माध्यमबाट हुनेछ। राष्ट्र बैंकका अनुसार निक्षेप संकलनको बोलकबोल ब्याजदरमा गर्नुपर्ने छ। बहु ब्याजदरमा पनि बहुबोलकबोल गर्न सकिनेछ।
निक्षेप संकलन उपकरणको बोलकबोलमा नेपाल राष्ट्र बैंकबाट इजाजत पत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउनेछन्।
