काठमाडौँ – राष्ट्रिय स्वतन्त्र पार्टी (रास्वपा)ले काठमाडौँ महानगरपालिकाका मेयर बालेन शाहसहित २६ जनालाई केन्द्रीय सदस्यमा मनोनीत गरेको छ।
आइतबार बसेको रास्वपाको केन्द्रीय समिति बैठकले मेयर शाहसहित २६ जनालाई केन्द्रीय सदस्यमा मनोनीत गर्ने निर्णय गरेको हो।
मनोनीत हुनेमा मेयर शाहसहित सुनिल लम्साल, भुपदेव शाह, सस्मित पोखरेल, सागर ढकाल, लक्ष्मण थारू, रमेश पौडेल, खगेन्द्र सुनार, गणेश पौडेल, सन्तोष गिरी, नमिता यादव, सरिता ज्ञवाली, सुशान्त वैधिक, लक्ष्मी वरदेवा, शिव यादव, रोहन कार्की, मधुसुदन ढकाल, अनन्तराज तिमिल्सिना, रामकुमार ढुंगाना, प्रदीप ज्ञवाली, मधुसुदन ढकाल, ओजस्वी थापा, केपी खनाल, आदित्य आचार्य, प्रदीप पाण्डे र खेमराज साउद छन्।
केन्द्रीय सदस्यमा मनोनीतमध्ये मेयर शाहलाई वरिष्ठ नेता बनाइएको छ भने सुनिल लम्साल महामन्त्री बनेका छन्। यस्तै, भुपदेव शाह, सस्मित पोखरेल, सागर ढकाल सचिवालय सदस्य बनेका छन्।
