काठमाडौँ – नेपाली काँग्रेसको विशेष महाधिवेशन अन्तर्गत उम्मेदवारको मनोनयन पत्र दर्ता प्रक्रिया सुरु भएको छ ।
मंगलबार बन्द सत्र सकिएपछि सुरु भएको निर्वाचन प्रक्रिया आज बिहानसम्मका लागि स्थगित भएको थियो । बिहानदेखि फेरि निर्वाचन प्रक्रिया अघि बढाइएको हो ।
विशेष महाधिवेशन र संस्थापन पक्षबीच रातभर भएका वार्ता असफल भएपछि निर्वाचन प्रक्रिया अघि बढाइएको विशेष महाधिवेशन पक्षधर नेताहरूले बताएका छन् । तर, वार्ता अहिले पनि जारी रहेको छ ।
निर्वाचन समितिले निर्वाचन कार्यपालिका परिवर्तन गर्दै प्रक्रिया अघि बढाएको हो । सुरुमा उल्लेख गरेको तालिका अनुसार मनोनयन दर्ताको समय मंगलबार नै सकिएको थियो । त्यसलाई परिमार्जन गरी बिहानदेखि पुनः मनोनयन दर्ताको काम सुरु गरिएको छ ।
